Реал Мадрид славеше со 1:0 на гостувањето кај Алавес во меч од 18-тото коло на Примера дивисион во Шпанија. Кралскиот клуб од 54-тата минута играше со фудбалер помалку по исклучувањето на Начо, но успеа да победи, и тоа со голот на Лукас Васкес во 92-рата минута од средбата.
Со тој погодок, Реал стигна до триумф и три бода по кои мадридскиот гигант се искачи на првото место на табелата и таму ќе остане и ќе ја дочека 2024 година. Васкес, кој беше еден од најниските играчи на теренот, успеа да погоди со глава, и тоа по изведен корнер, кога во шеснаесетникот имаше голем број фудбалери.
GOL DE LUCAS VÁZQUEZ DE CABEZA!!! ASISTENCIA DE KROOS.
VAMOOOOOSSSSS!!!!!!#HalaMadrid. #AlavésRealMadrid pic.twitter.com/EcLoQNUo0j
— 7 (@JFT20_10) December 21, 2023
По примениот гол, тренерот на Алавес, Луис Гарсија, многу се налути. Почна да шутира работи кои му се најдоа на патот, зграпчи еден од членовите на стручниот штаб, а потоа ги фрли јакната и капата кои ги носеше. Потоа седна на столчето и продолжи да прета и да удира со нозете. Едноставно не можеше да се помири дека неговиот тим загуби во меч на кој речиси 40 минути имаше фудбалер повеќе.
Ова беше трет пораз по ред на Алавес, а реакцијата на тренерот Луис Гарсија може да ја видите ТУКА.
