Аталанта на свој терен загуби од Лацио со 0:1 и продолжи лошата серија на тимот од Бергамо. За Аталанта ова беше трет пораз по ред и тимот сега речиси целосно ги загуби шансите да се бори во трката за титулата во Серија А.
На овој меч во Бергамо, тренерот на домаќините Џанпјеро Гасперини направи еден лапсус за кој не беше ни свесен. Во 74 минута, од игра излезе ѕвездата на тимот, Адемола Лукман, а на негово место влезе Лазар Самарџиќ.
Малку нејасно беше зошто Лукман излегува од игра во моменти кога Аталанта треба да нападне и да се обиде да постигне гол за израмнување.
🚨😬 Awkward moment in Atalanta’s 1-0 loss vs Lazio today… Ademola Lookman was accidentally substituted off the field! 🤦♂️
There was a confusion between “Ade” and “Ede” — Gasperini wanted to sub off Ederson, NOT Lookman, reports @SkySport. pic.twitter.com/XUyeGt9iUW
— EuroFoot (@eurofootcom) April 6, 2025
По мечот, беше откриено дека таа замена била грешка. Гасперини бил подготвен од игра да го извади Едерсон, но кога му довикнал на својот помошник рекол од игра дека треба да излезе Еде, а помошникот слушнал дека од игра треба да излезе Аде. Затоа место Едерсон, од игра излезе Адемола Лукман.
Дури откако била направена замената, Гасперини сфатил дека има грешка. Неколку минути подоцна од игра излезе и Едерсон.
„Да тоа беше грешка. Само Матео Реегети беше правилно заменет и беше вистинска измена. За жал имаше недоразбирање околу тоа дали Аде или Еде треба да излезе од игра. Направивме збрка. Едноставно ова не беше наш ден“, призна Гасперини по поразот.
