Тренерот на Брест, Ерик Роа, ја призна надмоќта на Пари Сен Жермен по убедливиот пораз со 0-7 во реваншот од плејоф-рундата на Лигата на шампионите.
ПСЖ брутално си поигра со својата омилена жртва и на дуелот во Париз, откако претходно славеше и на првиот меч.
„Не сакавме на овој начин да го завршиме нашето учество во Лигата на шампионите. За жал, мора да признаеме дека беа многу подобри. Тешко е да се игра против вакви екипи ако фудбалските богови не се на твоја страна. Овој натпревар треба да се заборави, а во сеќавање да остане оваа неверојатна сезона. Верувам дека Франција ја претставивме многу добро на овој турнир и можеме да бидеме горди на тоа“, изјави Роа по натпреварот.
ПСЖ се пласира во осминафиналето, каде што ќе игра против Ливерпул или против Барселона. Ждрепката ќе се одржи утре.
