Тренерот на Новак Ѓоковиќ, Горан Иванишевиќ смета дека само еден тенисер може да го победи Србинот на последниот годинешен гренслем-турнир, Отвореното првенство на САД.
„Секоја чест на останатите тенисери, но само еден може да го победи Новак, а тоа е Карлос Алкарас“, изјави Иванишевиќ.
Токму младиот Шпанец го победи Ѓоковиќ во финалето на Вимблдон, а многумина очекуваат овие двајца тенисери да играат и во финалето на САД Опен.
„Ѓоковиќ секогаш е мотивиран, а гренслем е гренслем. Повторно ќе има голема борба. Добро е што на Вимбдлон, но и пред тоа во Париз, се создаде ривалство меѓу двајца тенисери иако разликата меѓу нив е 16 години. Секој нареден меч меѓу нив двајца ќе биде уште подобар, полуд и погледан“, додаде Иванишевиќ.
