Тренерот на јужноамериканскиот и бразилски шампион Фламенго, Жорж Жезус, е позитивен на Коронавирусот, покажаа тестирањата. Од целиот тим на Фламенго, вклучувајќи го и стручниот штаб, само 65-годишниот стратег бил заразен од вирусот, а поради неговата возраст, тој спаѓа во групата луѓе кои се во најголема опасност да не победат во битката со вирусот Ковид-19.
Жезус до вчера вршеше притисок да се прекине фудбалот во Бразил, откако последниот меч кој го одигра Фламенго во шампионатот „Кариока“ беше без публика. Воедно Жезус е свесен за ситуацијата во Европа, а истакна дека негов близок пријател починал од вирусот и смета дека посериозно да се делува.
Жезус со Фламенго за една година освои четири титули со клубот, меѓу поважните се трофеите во бразилската Серија А и Копа Либертадорес, додека загуби од Ливерпул во финалето од Светското клупско првенство.
