Динамо Загреб си најде тренер за следната сезона, а тоа е Марио Ковачевиќ, актуелен предводник на Славен Белупо во кој игра Илија Несторовски. Одлуката ја донел новиот шеф на Модрите, легендата Звонимир Бобан.
Ковачевиќ (49) со успех го води Славен, а Динамо за него ќе треба да плати отштета од околу 180.000 евра колку што е неговата годишна плата. Во хрватските медиуми се пишува дека во Динамо ќе има голема чистка летово и не се знае со сигурност дали Ковачевиќ ќе има прилика да работи со македонските интернационалци Аријан Адеми и Стефан Ристовски кои сега се во Динамо.
