Натпреварот меѓу Панатинаикос и Макаби Тел Авив во четвртфиналето од плејофот во Евролигата, кој се играше синоќа во Атина (95:79), имаше и „трето полувреме“ во кое во главната улога беше тренерот на грчкиот тим, Ергин Атаман.
Атаман по натпреварот во кој неговиот тим израмни на 1-1 во серијата против Макаби, беше лут како рис бидејќи едно лице од Макаби влегло во соблекувалната на Панатинаикос.
https://twitter.com/i/status/1783772322731561365
„Што правиш во мојата соблекувална? Кој е овој човек? Што правиш тука? Кој е ова? Повикајте го обезбедувањето“, викал Атаман.
Споед медиумите, тој човек бил близок пријател на еден од сопствениците на Макаби Тел Авив, Шимон Мизрахи.
Атаман на прес-конференцијата откри дека добил закани од таборот на Макаби.
„Некој од Макаби, не знам кој, но немаше акредитација ми рече: Ќе видиш што ќе ти направат во Израел. Абе ајде, јас сум Ергин Атаман. Јас сум тренер на Панатинаикос и сум селектор на репрезентацијата на Турција и сум турски државјанин. Не можете ништо да ми направите“, изјави Атаман.
Ergin Ataman says that somebody from the Maccabi staff told him "You'll see in Israel, you'll see what the Zionists will do to you" pic.twitter.com/r84LuLLzea
— Antonis Stroggylakis (@AStroggylakis) April 25, 2024
Макаби Тел Авив поради војната во Израел, своите натпревари како домаќин во Евролигата ги игра во Белград.
