Многу возбудливо беше синоќа на терените во НБА-лигата, каде што се одиграа девет натпревари, а кошаркарите на Торонто доживеаја пораз во неверојатен меч против Мемфис гризлис со 155-126.
Натпреварот го одбележа испадот на српскиот стратег Дарко Рајаковиќ, тренерот на Торонто, кој во еден момент едвај беше задржан од своите кошаркари физички да не го нападне судијата.
Рајаковиќ беше бесен поради одлуката на судиите да не досудат прекршок, по што целосно полуде. За среќа, не дојде до физички контакт меѓу него и судијата.
Инцидентот се случи во четвртата четвртина, кога Рајаковиќ беше отстранет од теренот.
“CALL THE F*CKING FOUL! CALL THE F*CKING FOUL!”
— ClutchPoints (@ClutchPoints) December 27, 2024
Raptors coach Darko Rajakovic exploded at the officials and was ejected during the 4th quarter vs. the Grizzlies.pic.twitter.com/DThJUnHQ4w
Мемфис до победата ги водеа Џарен Џексон јуниор и Зак Иди со по 21 поен, додека Иди имаше дури и 16 скока.
Ноќта ја одбележа и одличната партија на Шеј Гилџес-Александер, кој со 45 поени ја водеше Оклахома до триумф против Индијана со 120-114.
Милвоки бакс, без повредениот Јанис Адетокумбо, загубија од Бруклин нетс со 111-105, а за Нетс со 29 поени се истакна Камерон Џонсон.
Резултати: Индијана – Оклахома 114-120, Орландо – Мајами 88-89, Вашингтон – Шарлот 113-110, Атланта – Чикаго 141-133, Мемфис – Торонто 155-126, Милвоки – Бруклин 105-111, Њу Орлеанс – Хјустон 111-128, Портланд – Јута 122-120, Сакраменто – Детроит 113-114.
