Матајс де Лихт пред две години пристигна во Баерн Минхен од Јувентус за сума од 67 милиони евра и тогаш беше втор најскап фудбалер во историјата на клубот. Сепак, минатото лето Хари Кејн го истисна на третото место, но и покрај високиот трансфер, холандскиот репрезентативец си заминува од Баварија.
За него интерес има од Манчестер јунајтед и ПСЖ, но Де Лехт им дал дозвола на своите агенти да преговараат само со Црвените ѓаволи и тоа се очекува да биде неговата следна дестинација. Неговиот договор со Баварците истекува во 2027, а моменталната вредност му е проценета на 65 милиони евра, па Баерн Минхен ќе си ги врати парите кои ги вложи во него.
Матајс де Лихт во својата кариера освен за Јувентус и Баерн Минхен, настапуваше и за екипата на Ајакс. На сите четири натпревари на Холандија на Европското првенство остана на клупата за резерви.
