Килијан Мбапе, Ерлинг Халанд и Џуд Белингам, се тројцата најскапи фудбалери на светот според специјализираната интернет страница „Трансфермаркт“. Тие според „Трансфермаркт“ вредат по 180 милиони евра.
На фудбалерот на Реал Мадрид, Белингам, благодарение на одличните игри од почетокот на сезоната, вредноста му скокна за 30 милиони евра.
Четврти најскап фудбалер е повредениот напаѓач на Реал Мадрид, Винисиус жуниор кој остана на 150 милиони евра.
Кај екипите, најголем скок на вредноста има кај најпријатното изненадување во европските лиги, Жирона, за 64 милиони и сега вредноста на шпанскиот тим изнесува 225 милиони евра.
Интересно е што вредноста на Барселона е намалена за 44 милиони евра, додека на деветмина играчи на шпанскиот тим им е намалена пазарната вредност.
и тој
