Со одигрување на натпреварите од последното квалификациско коло, познати се сите репрезентации што ќе настапат на ракометното Европско првенство кое во јануари идната година ќе се игра во Германија, и на него ќе има тројца дебитанти.
За прв пат на едно континентално натпреварување ќе учествуваат селекциите на Фарски Острови, Грција и Грузија, кои се најдоа меѓу четирите најдобро третопласирани селекции во квалификациите. Покрај нив, и Црна Гора обезбеди пласман на ЕП.
По втор пат на едно ЕП ќе учествува и Италија, првиот пат Аѕурите настапија на ЕП 1998 година кога беа домаќини. Токму ова ЕП беше дебитантско и за репрезентацијата на Македонија.
Покрај овие четири репрезентации, преку квалификациите пласман на ЕП како прво и второпласирани во групите, обезбедија и Португалија, Македонија, Норвешка, Србија, Исланд, Чешка, Австрија, Романија, Холандија, Хрватска, Унгарија, Швајцарија, Словенија, БиХ, Франција, Полска. Директен пласман обезбедија Германија како домаќин како и Шпанија, Шведска и Данска кои беа најдобри од претходното ЕП.
