Искусниот македонски интернационалец Иван Тричковски потврдува дека е во одлична форма, откако го постигна четвртиот погодок во последните меча за тимот на АЕЛ Лимасол. На гостувањето кај Неа Саламис, АЕЛ Лимасол победи со 3:1, а Тричковски го постигна првиот гол за водство на гостите од 0:1 во 53 минута.
Тричковски сезонава има постигнато вкупно осум голови во првенството на Кипар, што го прави 37-годишниот напаѓач, еден од клучните играчи во тимот на АЕЛ.
Уште еден некогашен македонски репрезентативец се израдува на погодок. Аријан Адеми во игра влезе во 54 минута, а само 15 минути подоцна постигна гол на дуелот против Осиек за потврда на победата од 2:0.
ARIJAN ADEMI DOUBLES DINAMO’S LEAD AGAINST OSIJEK!#HNL #DZGOSIpic.twitter.com/a9CIqTnJA9
— Croatian Football (@CroatiaFooty) April 12, 2025
Кај Динамо на теренот и тоа со капитенската лента беше и Стефан Ристовски. Динамо со оваа победа стигна до 49 бодови од 29 меча, додека лидерот Хајдук има 54 бодови од 28 средби. Хајдук утре на својот стадион „Пољуд“ ќе игра против Локомотива.
