ФК Беласица го ангажираше Ванчо Стојанов за нов спортски директор. Трикратниот олимпиец во изминатите три години работеше како кондициски тренер на новиот прволигаш, а од сега ќе ја извршува улогата на оперативец.
Стојанов покрајт трите настапи на ОИ во богатата атлетска кариера брои и три балкански златни медали, а воедно е и рекордер во повеќе дисциплини.
„Благодарност за укажаната доверба од Претседателот Славчо Васков – Пинда и управата на ФК Беласица за извршување на функцијата спортски директор. ФК Беласица е голем клуб и клуб со традиција, така и функцијата спортски директор претставува огромна одговорност. Честитки до нашите фудбалери, стручниот штаб и сите вработени во ФК Беласица за успехот кој го постигнавме оваа сезона, влез во ПМФЛ. Поздрав до сите фанови на нашиот клуб и ве очекуваме на претстојните натпревари на стадионот Благој Истатов“, изјави Стојанов.
