Денешната трка на патеката Спа Франкошамп за Големата награда на Белгија, покажа дека Мерцедес има моќни болиди (три победи на последните четири трки), но и феноменални тактичари и познавачи. Тешко може да се даде објаснување како победи денеска Џорџ Расел, со едно влегување во бокс помалку од сите други.
Веднаш зад него целната линија ја мина Луис Хамилтон за еден-два победа на Мерцедес, додека трети беше Оскар Пјастри од Мекларен кој имаше само 1,2 секунди заостанување зад победникот. По првта половина од трката се чинеше дека Хамилтон има најдобри шанси за победа, но не успеа да го претекне тимскиот колега кој само еднаш менуваше гуми.
Ова е четврта трка по ред на која Макс Ферстапен не успева да победи, првакот беше само петти, а ова е шеста трка по ред на која не победува пилотот кој тргнал од пол-позиција.
