Поранешниот српски тенисер Виктор Троицки доживеа голема непријатност во Њујорк, за време на квалификациите пред стартот на Отвореното првенство на САД. Троицки беше во улога на тренер на Хамад Меџедовиќ, кој загуби од Хрватот Борна Гоја со 5:7, 7:6, 4:6.
Во паузата меѓу вториот и третиот сет дојде до вербален напад, кој малку фалеше да прерасне во физичка пресметка меѓу еден навивач и Троицки. Нервозниот гледач постојано викаше и го провоцираше Троицки, но Србинот остана смирен во целата ситуација и не дозволи да се случи поголем инцидент.
Агресивниот гледач го навредуваше Троицки, а меѓу другото, му викаше „еб*н кловн“ и „Ова е Њујорк, а не е*аната Србија“. Останатите гледачи не се согласуваа со навредите кои ги кажуваше агресивниот гледач, а на крајот мораше да реагира и обезбедувањето.
Well, a really crazy incident just happened in which a few fans got into with Viktor Troicki, who is backing Hamad Medjedovic, before this final set with Borna Gojo.
It really was NOT a good look at all. Thankfully no brawl started. #usopen pic.twitter.com/4GX4x8JiRO
— Andrew Jerell Jones, Luke 1:37 (IG:twdbk3) (@sluggahjells) August 23, 2023
Главниот дел од ОП на САД ќе започне на 28 август и ќе трае до 10 септември. Бранител на трофејот е Карлос Алкарас, а по две години пауза, на турнирот ќе настапи и Новак Ѓоковиќ, кој претходно имаше забрана за влез во САД поради тоа што не беше вакциниран за време на пандемијата.
