Хјустон Динамо со 3:0 го победи Лос Анџелес галакси, во меч од американската МЛС лига. Домаќинтие победија со 3:0, а мечот го одбележаа трите црвени картони кои ги добија фудбалери кои во минатото биле дел од големи европски клубови.
Хјустон на полувремето водеше со 1:0 со голот на Хектор Херера кој до неодамна играше во Атлетико Мадрид. Во 63 минута, беше првото исклучување. Мартин Касерес сакаше да му се меша на судијата додека арбитарот гледаше една сомнителна ситуација на ВАР мониторот. Поради тој потег, Касерес кој во кариерата има играно за Барселона, Јувентус, Фиорентина, Лацио, Севилја, Саутхемптон, доби втор жолт картон, што значеше негово исклучување.
Galaxy are fully a meme team. It's official. pic.twitter.com/C3Uxz8HmrA
— Matthew Doyle (@MattDoyle76) April 9, 2023
Потоа со гол од пенал, Хјустон поведе со 2:0, а потоа домаќинтие брзо постигнаа и трет погодок.
Во финишот на средбата, црвен картон прво доби Херера кај Хјустон, за да во 97 минута биде исклучен и некогашниот фудбалер на Јувентус и Баерн Минхен, Даглас Кошта. Откако беше исклучен, Кошта дури и ја шутна топката кон публиката, што сигурно ќе му донесе дополнителна казна.
Punting the ball into the crowd after you get sent off. Real nice. Enjoy your 3 match ban dickhead @douglascosta pic.twitter.com/ketvtc2q9B
— steffen (@sg_CNC) April 9, 2023
