Виктор Осимен беше јунак во победата на Наполи на гостувањето кај Верона од 2-1. Нигериецот беше навредуван на расистичка основа од домашните фанови, но тој им се одмазди со постигнување на два гола.
После овој триумф, Наполи има три бода помалку од лидерот Милан, а два бода плус пред Интер кој има и два меча помалку.
Верона средбата ја заврши со деветмина фудбалери, откако двајца поцрвенеа во второто полувреме, а Елиф Елмас играше од 63-та минута до крај.
