Навивачите можат да бидат сурови после пораз, некогаш знаат непромислено да реагираат, а таков е примерот и со некои фанови на Арсенал кои испратиле закани до трудната сопруга на Каи Хаверц, Софија, откако само нејзиниот сопруг утна пенал во пенал серијата и поразот на Топчиите во ФА Купот од Манчестер јунајтед.
Германецот Хаверц пропушти неколку убави шанси да му донесе победа на својот тим, а капак беше нереализираниот удар од белата точка.
Жената на Хаверц добила гнасни пораки поврзани со нивното уште неродено дете, Софија сподели дека имало и навреди и закани.
Поради заканите, од клубот Арсенал одлучија да се консултираат со адвокати, па дури и со истражители кои се специјализирани за идентификување на злоставувачите на интернет. Можно е да има правни мерки против тие „навивачи“ кои ги испраќале пораките.
