Наоми Осака ќе игра на ВТА турнирот во Синсинати за да им помогне на настраданите во земјотресот што го погоди Хаити и објави дека целата награда ќе ја донира за помош на оваа земја.
Вчера Хаити го погоди страотен земјотрес со магнитуда од 7,2 степени според Рихтер, а животот го загубија над 300 луѓе, а има и многу повредени.
„Комплетната награда што ќе ја остварам на турнирот во Синсинати ќе ја донирам за помош на настраданите од земјотресот во Хаити. Вие сте во моите мисли и со цело срце сум со вас“, објави Осака.
Лани стаса до финалето на турнирот, но го предаде мечот за титулата против Викоторија Азаренка без борба, порад повреда. На ова издание Јапонката е рангирана како втора носителка и е слободна во првото коло, а потоа ќе има опасна ривалка и веројатно ќе игра со Коко Гоф од САД.
Шампионката на престижниот турнир во Охајо ќе добие 255 илјади долари.
