Италијанскиот првак Јувентус утре гостува кај Рома во рамки од 19-тото коло во Серија А. Дербито на „Олимпико“ ќе се игра во вечерниот термин, а покрај тоа што двете екипи се подготвуваат за овој меч, има време и за дружба.
Цел тим на Јувентус вчера биле на вечера, но на фотографијата која ја објави Миралем Пјаниќ недостасува „главниот“. Кристијано Роналдо е единствениот кој не присуствувал на тимската вечера, а причините не се познати.
Португалецот на најдобар можен начин стартуваше во Новата година, запиша хет-трик и асистенција во триумфот од 4-0 против Калјари во претходното коло. Најверојатно Роналдо слободното време го поминал во теретана наместо да се дружи со соиграчите, со цел утре да покаже уште едно брилијантно издание.
