Унгарскиот третолигаш Иванча стана вистинска сензација откако успеа да го елиминира шампионот Ференцварош во Купот на Унгарија.
Третолигашот стана фудбалска вест број еден во европските медиуми бидејќи е тим од село кое брои 2.800 жители и според видеото од извештајот од натпреварот, изгледа дека сите жители ја следеле победата на Иванча.
Ференцварош, кој сезонава игра во Лигата на Европа и по четири кола е лидер на табелата, загуби со 3:2 од Иванча по продолженијата откако во регуларните 90 минути беше 2:2.
Ференцварош, кој е најтрофеен унгарски тим со 33 шампионски титули и 24 триумфи во Купот, поведе уште во 4-тата минута преку Кристофер Закаријасен, додека домаќинот израмни само две минути подоцна благодарение на Ласло Шустер.
Ференцварош повторно поведе, во 19-тата минута со голот на Рајан Ммае, а натпреварот во продолженијата го однесе Чаба Аради со голот постигнат во 57-мата минута. Третолигашот до сензацијата дојде до голот на поранешниот играч на Ференцварош, Бенце Керчо во 96-тата минута.
