Раководството на кошаркарскиот клуб Црвена ѕвезда одлучи да ја прекине соработката со грчкиот тренер Јанис Сферопулос по шокантниот домашен пораз од Задар (79-85) во Јадранската лига.
Сепак, Сферопулос ќе остане во Белград и ќе ја води екипата на мечот против Фенербахче во петок, а потоа и официјално ќе заврши нивната соработка без оглед на исходот од мечот.
Српските медиуми веќе шпекулираат со можните наследници на Гркот, а како најсериозни кандидати се истакнуваат Дејан Радоњиќ и Саша Обрадовиќ.
