Белградска Арена беше комплетно распродадена за првиот натпревар за Црвена ѕвезда од новата сезона во Евролигата, но навивачите си заминаа разочарани, откако „црвено-белите“ кошаркари загубија со 82-92 од Милано.
Она што е уште поголемо изненадување, гостите од Италија не само што победија, туку успеаја да ги добијат и сите четири четвртини. Првите три со по два поени разлика, додека последната со четири поени.
„Црвено-белите“ само двапати имаа водство, почетните 3-0, а потоа и на стартот од третиот период кога поведоа со 53-51. Долго се играше израмнето, а потоа гостите во финишот на третата четвртина и почетокот на четвртата дојдоа до убедливи +13, предност што успеаја да ја сочуваат до крајот.
