Барселона победи во Белград против Црвена ѕвезда со 99:94 во неверојатно интересен меч, кој мораше да биде решен дури по продолжение од пет минути. Каталонскиот гигант одлично го почна мечот и во еден момент во втората четвртина имаше предност од 15 разлика (34:19).
Потоа следуваше неверојатна серија од 17:0 за Црвена ѕвезда и домаќините поведоа со 36:34. Белградскиот тим имаше предност од 72:60 на неколку минути до крајот, но Барселона не се предаде и стигна до 79:79. Во драматишна завршница, Црвена ѕвезда водеше со 84:81, кога Никола Миротиќ во последната секунда од мечот, со тројка од неверојатна позиција успеа да израмни на 84:84 и мечот замина во продолжение.
https://twitter.com/i/status/1608918720545722370
Во дополнителните пет минути, гостите покажаа дека психички се посилни и на крајот се радуваа на триумф. Мечот ќе се памти и по одличната атмосфера која ја создадоа домашните навивачи. Пред почетокот на средбата, целата сала беше „обоена“ во црвено и бели конфети, како што најчесто гледаме на фудбалските дерби дуели во Јужна Америка.
Crvena Zvezda fans welcome Barcelona into their home court 😮 pic.twitter.com/KeFO8mA7S2
— BasketNews (@BasketNews_com) December 30, 2022
