Црвена ѕвезда пред последниот меч сезонава го крена шампионскиот пехар за доминантно освоената титула во српската Суперлига, а потоа го победија Младост Лучани со 3-1 за заокружување на бројката од 100 освоени бодови.
Ѕвезда одигра 37 меча што значи дека максимумот им беше 111 бодови, а освоија само 11 помалку што потврдува дека немаат сериозна конкуренција. За Ѕвезда ова е вкупна 36-та титула, ако се сметаат и титулите освоени во поранешна Југославија.
Денеска од Ѕвезда се простија Гелор Канга и Милан Родиќ кои заминуваат од клубот во кој оставија силен печат изминатите години.
