Црвените ѓаволи од Египет, Ал Ахли се најтрофеен клуб на планетата со вкупно 117 пехари, 93 од нив на домашната сцена и 24 интернационални, а зад нив во топ-5 се двата гиганти од Шкотска, Глазгов Ренџерс и Селтик и меѓу нив на третото и четвртото место уругвајските великани Национал и Пењарол.
Веднаш зад водечката петорка е шпанскиот двоец од „Ел Класико“ Барселона со 89 титули и Реал Мадрид со една помалку.
Интересно е што Глазгов Ренџерс како второрангиран клуб со вкупно 115 трофеи има само еден пехар на интернационалната сцена, но и најмногу домашни во топ-30. И големиот ривал Селтик има само еден голем успех и трофеј на меѓународна сцена и дури 104 во Шкотска.
Најтрофејни според освоените пехари на интернационална сцена, по 24 се Ал Ахли и Реал Мадрид. Високо котира и португалскиот двоец Бенфика со 81 титула и Порто со 74 на осмото и десеттото место, а меѓу нив е грчки Олимпијакос со богата колекција од 75 пехари.
Баерн Минхен е најуспешен германски клуб со 69 титули на вечната листа, заедно со Ајакс, кој има ист број на пехари во витрините.
Манчестер јунајтед е број 1 во Англија со 66 трофеи, a Јувентус е веднаш зад него како најуспешен италијански клуб со 62 пехари.
Убедливо најтрофеен клуб во Македонија е Вардар со 19 титули. „Црвено-црните“ имаат 10 шампионски титули во независна Македонија, една од поранешна Југославија, пет куп-титули на нашата земја и еден пахар од поранешната држава и две титули во Суперкупот на Македонија.
