Кошаркарите на Црвена ѕвезда со целиот плен си заминуваат од Пиреја откако го совладаа евролигашкиот лидер Олимпијакос на негов терен. Екипата од Белград славеше со 73-81 и таа дојде до 17-тата евролигашка победа оваа сезона, со која останува во игра за пласман во топ-6 и избегнување на плејин разигрувањето.
Гостинските кошаркари влегоа одлично во мечот и на самиот старт имаа неверојатни +15, односно водство од 2-17. Следуваше консолидација на Олимпијакос, кој успеа да дојде до едноцифрена негатива, па дури и да внесе неизвесност во финишот. Сепак, Црвена ѕвезда подобро се снајде и успеа да ја зачува предноста, а на крајот и да дојде до голема победа.
Литванецот Гиедраитис со 20 поени беше најефикасен на мечот, додека во поразениот состав Везенков уфрли 19 поени.
