Македонскиот прволигаш Работнички го именуваше Алпарслан Ердем за нов шеф на стручниот штаб, откако претходно се раздели со Бојан Маркоски поради слабиот старт на сезоната во домашното првенство.
Турскиот стратег минатата сезона беше на кормилото на Шкупи и го познава македонскиот шампионат, а договорот е постигнат до крајот на сезоната, со опција за продолжување.
Работнички минатата сезона го освои третото место и избори пласман во квалификациите за Конференциската лига под раководство на Горан Станиќ, кој потоа замина на селекторската позиција на младата репрезентација на Македонија до 21 година.
