Со четка за заби, наместо со вообичаните новинарски алатки, исландски новинар се обиде да земе изјава од ветеранот во турската репрезентација Емре Белозоглу.
Го праша како се чувствува по победата против Франција, а за чудо држеше четка за заби. Турците сметаат дека се работи за провокација, иако на Исланд тоа се претстави како шега, а гостите се жалеа и на третманот при самото пристигнување.
Навовдно, како што пишуваат турските медиуми, репрезентативците на Турција биле претресувани на аеродромот, што се третира како уште една провокација пред квалификацискиот меч за ЕП 2020 година, што ќе се игра утре во Рејкјавик, од 20.45 часот.
Emre Belözoğlu: İndiğimizden itibaren içeride gereksiz bir arama yapıldı. Gerildik. Bizim ülkemizin misafirperverliğine kurban olsunlar.
Millilerimiz, Reykjavik Havalimanı'nda İzlanda polisi tarafından didik didik arandı. pic.twitter.com/5KIn2Jz3gp
— TRT Spor (@trtspor) June 9, 2019
Турција го декласира светскиот првак Франција со 2:0 во саботата и е лидер во групата Х со максимални 9 бодови. Исланд беше подобар од Албанија, славеше со 1:0 и сега го дели второто место со Франција со по 6 бода.
