Напаѓачот на Баерн Минхен, Хари Кејн, оваа сезона има ефект од 33 гола и 12 асистенции на 38 меча за Баварците во сите конкуренции. На прагот е да го освои првиот трофеј во кариерата, а сега ги разочара англиските клубови со изјавата дека нема намера да се врати во Премиер лигата.
„Дали некогаш ќе се вратам во Англија? Не сум сигурен. Во текот на мојата кариера веќе имам кажано дека не сум човек кој гледа долгорочно. Среќен сум во Баерн Минхен. Имаме одлична екипа, сакам да играм на највисоко ниво. Работите може брзо да се променат во фудбалот, но во моментов сум фокусиран само на Баерн, не размислувам за други екипи и други првенства“, рече Кејн.
Хари Кејн младинските категории ги има во Риџвеј роверс, Арсенал, Ватфорд и Тотенхем, потоа беше испраќан на позајмици во Лејтон ориент, Милвол, Норвич и Лестер, а од 2013 до 2023 година беше незаменлив дел од нападот на Тотенхем, пред да биде продаден на Баерн Минхен за 95 милиони евра.
