Кадетската кошаркарската репрезентација на Македонија доживеа убедлив пораз во второто коло од групната фаза на Европското првенство до 16 години А-дивизија, кое се одржува во Скопје.
По победата во првото коло над Белгија од 63:57, избраниците на селекторот Александар Јованчев, денеска доживеаја пораз од 113:56 од врсниците од Франција.
Дилемите околу победникот беа решени по првото полувреме кое и припадна на Франција со убедливи 60:32. Најдобар кај Македонија беше Доријан Ивановски со 16 поени, а по десет дадоа Никола Јаничиќ и Лука Марјановиќ, додека кај Франција, Акрам Нажи и Јонас Булефа дадоа по 16 поени.
Македонија следниот натпревар во групата Б ќе го игра против лидерот на табелата, Литванија, која славеше во првите две кола.
