Македонската репрезентација за кошаркари до 20 години загуби од Италија со 70-92 и ќе разигрува за 13-16 место на Европското првенство во Полска.
Македонија ги загуби сите пет меча досега на ЕП, а следен ривал ни е Исланд. Во Б дивизија испаѓаат три тима, што значи дека мора да го добиеме Исланд, а и потоа меот за 13-тото место, во спротивно се селиме во понизок ранг.
Во тимот на селекторот Боро Смилковски, денеска против Италија се истакна Симиќ со 18 поени и 6 скока, додека Јовановиќ и Бошалески имаа по 13 поени. Шошкиќ имаше девет асистенции, а Стојаноски девет скока.
