По започнувањето на воениот напад на Русија врз Украина, меѓу жртвите во конфликтот има и спортисти. Од Украина пристигна ужасна вест дека загинал еден од најталентираните украински спортисти, Јевен Малишев.
Се работи за 20-годишен бијатлонец, кој реши да ја прекине кариерата за да застане во одбранбените украински редови.
„Сочувство до семејството и пријателите. Ќе останеш во вечно сеќавање“, соопштија од Бијатлонската федерација на Украина.
Ukrainian young biathlete was killed by russian invaders https://t.co/9NZD8Ez2NR
Yevhen Malyshev, young biathlete from Ukraine, was born in 2002. Was killed by russian invaders….#biathlon #ibu #wordcup pic.twitter.com/4sGxVknYYn
— Focusbiathlon (@focusbiathlon) March 1, 2022
Малишев беше член на младинската репрезентација во бијатлон, а убиен е во борбите во Харков, каде што бил на воена служба.
Претходно во воените напади загинаа и двајца млади фудбалери. Прва жртва беше 21-годишниот Виталиј Сапило, а потоа загина и 25-годишниот Дмитро Мартиненко.
