Екипата на Манчестер сити на утрешното гостување кај Реал Мадрид во четвртфиналето на Лигата на шампионите ќе биде со ослабена одбрана. За Мадрид не отпатуваа Кајл Вокер и Нејтан Аке, додека Јошко Гвардиол е во експедицијата, но не се очекува да биде стартер и мали се шансите да игра 90 минути.
Ова се проблеми за менаџерот Пеп Гвардиола, кој веројатно во одбраната ќе почне со Аканџи, Стоунс, Рубен Дијаш и Рико Луис како квартет. Да беа здрави Вокер, Аке и Гвардиол, одбраната ќе изгледаше многу поинаку, а вака и клупата ќе биде тенка со квалитетни дефанзивци.
Особено проблематично може да биде отсуството на Вокер, кој важи за еден од бековите кои најдобро се справувале со брзиот Винисиус, кој е еден од најопасните играчи на Реал. Вокер се повреди неодамна на меч на кој играше против Винисиус, на пријателскиот меч Англија – Бразил.
