Милан им се врати на старите навики во претсезонскиот период и со убедливи 5-0 го декласира Волфсбергер. Росонерите досега бележеа по еден триумф и пораз во контролките, но вечерва тимот на Пиоли лесно ги надигра австриските противници.
Пред истекот на првото полувреме, Леао и Ребиќ брзопотезно во две минути го разбудија италијанскиот првак.
Трендот на голови во второт дел го продолжија Месијас и Адли, погодија во 57-мата и 60-тата минута од натпреварот, додека Габија го постави конечниот резултат.
На Росонерите им преостанува уште еден пријателски дуел, против Олимпик Марсеј на 31 јули, по што две недели подоцна почнуваат со одбрана на Скудетото, против Удинезе и Илија Несторовски на „Сан Сиро“.
