Европското првенство следната година ќе се одржи во Германија, но наредното во 2028-мата година се уште нема свој домаќин. До УЕФА има доставено две кандидатури, онаа на Турција и заедничката на Велика Британија и Ирска која е голем фаворит да го организира европското во 2028-мата година.
Сепак, тоа би значело дека дури пет членки на УЕФА ќе бидат организатори и ќе имаат директен пласман, тоа се Англија, Шкотска, Велс, Северна Ирска и Ирска. Тоа носи и големи проблеми во квалификациите, бидејќи 50 репрезентации ќе се борат за 19 места на континенталниот собир.
Главните квалификации би се играле во 9 групи и по две најдобри би обезбедиле пласман на Европското првенство, а едното место кое останува би го пополнила најдобрата репрезентација од Лигата на нации. Сепак, УЕФА смета дека тоа ќе го ослабне ова натпреварување, па дури и ќе го уништи, бидејќи за да се добие репрезентацијата учесник ќе треба на поседен завршен турнир да учествуваат победниците од фајнл-фор турнирите од сите дивизии.
Втората опција во моментов е директен пласман да обезбеди само Ирска и победникот на посебен квалификациски турнир на земјите од Велика Британија, но такви нешто не им се допаѓа на Шкотска, Велс и Северна Ирска, бидејќи би биле големи аутсајдери против Англија.
Организаторот на Европското првенство во 2028-мата ќе биде познат на 10-ти октомври оваа година, а системот на квалификациите дури после одигрувањето на шампионатот во Германија, па УЕФА има доволно време да размисли кој ќе биде идеалниот квалификациски систем.
