Скандирањето „Гибралтар е Шпанија“ најверојатно ќе им донесе казни на фудбалерите на Шпанија, Алваро Мората и Педри. Тие на прославата на титулата од Европското првенство го извикуваа спортниот слоган, во обид да ги провоцираат англичаните.
Сепак, веднаш следуваше реакција на владата на Гибралтар, како и на Фудбалскиот сојуз на оваа земја, па случајот беше пријавен во УЕФА, од каде денес објавија дека е покрената дисциплинска постапка против двајцата фудбалери поради мешање на политиката во фудбалот.
Доколку дисциплинската комисија на УЕФА, одлучи дека Мората и Педри се виновни, најверојатно ќе им изрече суспензии од по два натпревари, па тие нема да може да настапат на првите два меча од Лигата на нации, натпреварување кое започнува во септември.
Гибралтар од 1713-тата година е дел од Обединетото Кралство, иако се наоѓа на Пиринејскиот полуостров и граничи само со Шпанија. Двапати беше организиран референдум за независност, но и двапати беше неуспешен. Шпанија и Велика Британија долго водат спор за оваа територија, со оглед на тоа дека шпанците ја сметаат за окупиран дел од својата територија.
