Нејмар ќе ги пропушти првите три меча од следната сезона во Лигата на шампиони, одлучи дисциплинската комисија на УЕФА. Бразилецот на својот Инстаграм профил ги навреди официјалните лица кои ја делеа правдата на дуелот во Париз меѓу ПСЖ и Манчестер јунајтед. Гостите победија со 3:1, а благодарение на пеналот кој го добија во 93 минута од мечот, го елиминираа големиот противник.
Нејмар сметаше дека немаше пенал за Манчестер јунајтед и на својот инстаграм профил напиша: „Ова е срамота. УЕФА се уште одбира луѓе кои немаат поима за фудбалот, а да ги гледаат ситуациите со ВАР технологијата на повторена снимка. Како може да е рака, кога раката е позади грбот? Ах, еб*те се“, пишуваше Нејмар на пораката која сега му донесе три меча суспензија.
