На најавите за обновување на проектот на Суперлигата, во која ќе играат 10+10 клубови, а новиот проект веќе е претставен, веднаш реагираше и УЕФА со контранапад и со промоција на новиот лик на Лигата на шампионите од сезоната 2024/25.
Форматот ќе биде многу поинаков со учество на 36 клуба, четири повеќе од актуелниот систем на натпреварување.
Наместо групната фаза како што е сега, клубовите ќе играат по лига систем, најмалку со 10 натпревари, по 5 на домашен терен и пет на гости.
Тоа ќе донесе плус 100 натпревари повеќе од досега, а најдобрите 8 екипи автоматски ќе се пласираат за нокаут-фазата.
Клубовите што ќе бидат пласирани меѓу 9-то и 24-то место ќе играат плејоф-двомеча, а победниците ќе играат во осминафиналето.
[BTSport] The New Champions league Format starting from 2024-2025 season. from soccer
УЕФА ќе го зголеми и наградниот фонд за да ѝ парира на најавената Суперлига, која е приватен проект и во која ќе учествуваат 10 екипи во А Лига и уште толку во Б лига.
Екипите од Б Лигата ќе може да напредуваат во елитниот дел, додека најслабите од А лигата ќе испаѓаат во послабото натпреварување.
Се најавува сигурно учество на Реал Мадрид, Барселона, Јувентус, Милан, Интер, Атлетико Мадрид, Манчестер сити, Манчестер јунајтед, Ливерпул и Челзи во А сегментот, а сè уште не се знае кои 10 екипи би играле во послабиот Б сегмент.
