Европската куќа на фудбалот, УЕФА, објави дека им забранува на странските судии да делат правда на натпревари од грчкото фудбалско првенство. Причина за ова се зачестените инциденти кај нашиот јужен сосед и нападите кон официјалните лица.
Претседателот на УЕФА, Александар Чеферин, за одлуката лично го информирал првиот човек на Грчката фудбалска асоцијација, Панајотис Балтакос.
Во Грција имаше традиција големите дербија да бидат судени од меѓународни судии, но тоа нема да продолжи.
