Украинецот Максим Таловјеров кој игра за англискиот второлигаш Плимут, вчера постигна гол против Манчестер сити, а после мечот од ФА купот откри дека три ипол години не си ги видел таткото и мајката.
Освен што со Плимут се бори за опстанок во Чемпионшип, Максим има големи и на приватен план. Поради војната во неговата земја, тој долго време не си ги видел таткото Вадим и мајката Марина, и со нив комуницира само телефонски и преку пораки.
Кога имаат сигнал, тие му се јавуваат да му кажат дека се добри, а кога не се јавуваат, Максим страда и се плаши од најлошото.
„Тешко е, три години секое утро се будам и гледам извештаи за ракети и проектили во секој град, вклучувајќи го и Киев каде што се моите родители. Веднаш им пишувам пораки за да ги прашам дали се во подземна гаража, во метро. Кога е опасно и Русија бомбардира, одат таму, бидејќи така се најблиску до сигурните зони. Некогаш немаат мрежа и интернет, а тогаш ми е најстресно, бидејќи не реагираат и не знам што се случува. Знаат да кажат во Киев паднаа пет ракети, но никогаш не се знае точно каде завршиле“, раскажа Таловјеров.
Таловјеров е роден во Налчик, руски град во близина на границата со Грузија, каде неговиот татко тогаш играл фудбал. Три месеци подоцна се преселиле во Дољецк во Украина и таму живееле до 2014 година кога се искомпликувала политичката ситуација во регионот.
Клубот Шантар ја преселил академијата во Киев, затоа и семејството на фудбалерот заминало да живее во главниот град. Со сениорски фудбал почна во Олимпик од Киев, а настапувал и за Динамо од Чешке Будејовице, резервниот тим на Спарта Прага, Славија Прага, Слован Либерец, ЛАСК и сега е во Плимут.
