Женската репрезентација на Унгарија испиша историја на Европското првенство во ракомет, освојувајќи бронзен медал со победа над Франција од 25-24 во драматичното и неизвесно мало финале во Виена. Ова е прв медал за Унгарките по 12 години, резултат кој ја потврди нивната одлична форма и статус на најпријатно изненадување на турнирот.
На полувремето Унгарките имаа предност од 13-11. Во второто полувреме, Французинките израмнија на 23-23 во 56-та минута, но во финишот Унгарија успеа да стигне до драматичен триумф.
Катри Гита Клубер со 9 голови и Софи Земери со 13 интервенции беа најистакнатите поединки на натпреварот.
Финалниот натпревар меѓу Данска и Норвешка се игра од 18 часот.
