Македонскиот репрезентативец Александар Трајковски, кога ќе се врати во Мајорка, ќе го пречека непријатно изненадување кога ќе види во каква состојба е теренот на кој шпанскиот второлигаш ги игра своите мечеви како домаќин.
Рано утрово полицијата приведе шест лица, од кои две малолетни, за незаконски влез на стадионот и уништување на теренот на кој игра Мајорка.
Според полицијата која дошла брзо откако се вклучил аларм, малолетниците влегле во едно клупски комбиња и почнале да се возат по теренот на „Сон Мои“, што може да се потврди и од трагите кои се оставени. Објавени се неколку фотографии на кои се гледа дека теренот е во лоша состојба, а овие лица кои влегле, направиле дополнителна штета.