Напаѓачот на Гремио, Луис Суарес, до крајот на годината ќе потпише за Интер Мајами и повторно ќе игра заедно со Лионел Меси, објавиja уругвајските медиуми.
Суарес на почетокот од годинава пристигна во Гремио и со бразилскиот тим потпиша договор кој важи до 31 декември 2023 година.
Уругваецот сакаше уште во летниот преоден рок да се пресели во Интер Мајами, но Гремио не го пушти и му порача да го одработи договорот до крајот.
Според уругвајските медиуми, повеќе нема никакви дилеми, Суарес наскоро ќе потпише договор со Интер Мајами и повторно ќе игра заедно со Лионел Меси, но и со Серхио Бускетс и Жорди Алба, со коишто играше во Барселона.
