Дисциплинската комисија на Фудбалската федерација на Шпанија ја прифати жалбата на Бетис и го поништи црвениот картон кој го доби Антони во претходното коло. Бразилецот кој пред еден месец дојде во Бетис и тоа како позајмен играч од Манчестер јунајтед, беше исклучен и тоа во 90+4 минута на дуелот против Леванте.
Тоа значеше дека Антони автоматски нема да може да настапи на следниот меч во првенството, а тоа е дуелот против Реал Мадрид. Од Бетис вложија жалба, а Дисциплинската комисија утврди дека судијата згрешил и не требало да му покаже директен црвен картон на Бразилецот.
🚨🇧🇷 Antony’s red card has been officially cancelled and he will be available to play against Real Madrid.
Decision communicated to Real Betis in the morning. pic.twitter.com/3BMTQp2U19
— Fabrizio Romano (@FabrizioRomano) February 26, 2025
Бразилецот одигра шест меча откако дојде во Бетис и веднаш се покажа како вистински лидер. Постигна три гола, а имаше и една асистенција, а на дури три меча беше прогласен за МВП на средбата.
Сега Антони ќе биде на располагање на тренерот Мануел Пелегрини за дуелот против Реал Мадрид кој ќе се игра на 1 март.
