Српскиот репрезентативен офанзивец Душан Тадиќ би можело да ја промени клупската средина и од Ајакс да се пресели во Рома. Римјаните се заинтересирани за него и бараат наследник на Един Џеко, кој ќе биде продаден, веројатно во Јувентус.
Тадиќ не е класичен шпиц-играч, но во последните две сезони во Ајакс играше токму на таа позиција како најистурен во нападот, па во римската Волчица веруваат дека тој е вистинско решение и Тадиќ им е прв на листата на желби. Ако не успеат да се договорат со Тадиќ, во Рома имале резервен план. Тогаш би тргнале по Оливие Жиру или Александер Милик.
