Неколку часа пред почетокот на последното коло во Премиер лигата, во кое се чека новиот англиски првак, Вирџил Ван Дајк го доби признанието за најдобар фудбалер во шампионатот за оваа сезона.
Дефанзивецот на Ливерпул во конкуренција ги победи Садио Мане, Серхио Агуеро, Бернардо Силва, Рахим Стерлинг и Еден Азар. Ова е второ индивидуално одличје за Холанѓанецот, откако неодамна беше изгласан за играч на годината од страна на Асоцијацијата на професионални фудбалери во Англија.
