Елиф Елмас утре попладне ќе биде стартер во тимот на Наполи на пријателскиот меч против Баерн во Минхен. Македонскиот репрезентативец заедно со Политано и Унас ќе бидат офанзивна поддршка во средниот ред за централниот напаѓач Осимен.
Баварците нема да бидат комплетни, но се очекува во почетните 11 да бидат новакот Упамекано, и некои од ѕвездите староседелци како Горецка, Милер и Левандовски.
Инаку, Адам Унас објави фотографија од авионот со кој наполитанците отпатуваа во Минхен, на сликата се наоѓа и Елмас, а фановите се шегуваат дека Елиф има имиџ „а-ла Џон Ленон“, па го нарекуваат Џон Елмас.
