Најдобриот светски тенисер Јаник Синер, одигра речиси перфектна сезона со 73 победи на 79 меча и две освоени гренслем титули, но овие успеси му се малку засенети бидејќи Италијанецот двапати бил позитивен на допинг тест.
Официјално тој засега нема претрпено никакви последици, јавноста беше информирана дури кога откако Синер докажа дека се работи за несреќен случај, но од Светската анти-допинг агенција ВАДА, не се помируваат со тоа.
Поднесена е жалба до Судот за спортска арбитража во Лозана и одлуката е одложена за после февруари, што е веќе контроверзно бидејќи значи дека Синер ќе може да игра на Австралијан опен.
„При донесувањето на првата одлука, беше пресудено дека тоа не е одговорност на Синер“, рече директорот на ВАДА, Оливие Нигли, и додаде: „Но, нашата позиција е поинаква. Веруваме дека одговорноста на играчот важи и за луѓето околу него. Затоа е прашање на кое се потпира нашата жалба во Лозана. Не оспоруваме дека е можно да се работи за контаминација, но сметаме дека водењето на постапката не било согласно законот“.
