Тенисерот Бенжамин Хасан, се запиша во историјата на „белиот спорт“, како прв кој одиграл цел, додуша скратен натпревар со заштитна маска на лицето. Хасан кој е 355-ти на АТП листата, играше против Германецот Броска, а потоа и со Британецот Чоински на егзибициски турнир во Германија. Хасан претрпе порази на двата меча кои се играа со 4 освоени гејмови во секој сет, наместо стандардните 6.
Други тенисери носеа маски кога се појавија на терен, но пред да почне мечот, ги вадеа, само 25-годишниот Хасан играше маскиран. На турнирите кои се играат во моментов, нема деца кои ги собираат топчињата.